एक जना समाचार वाचकले समाचार पढिरहेको बेला टेलिभिजनको स्क्रिनमा लिंग देखिएपछि त्यसले टेलिभिजन हेर्नेलाई लाजमर्नु भयो तर समाचार पढ्नेले भने केही थाहा पाएनन् ।
चेक गणतन्त्रको एक मुख्य टेलिभिजनमा दिउसो चार बजेको समाचारका बेला टेलिभिजनको स्क्रिनको पृष्ठभूमिमा अकस्मात पुरुष गुप्ताग देखिएपछि समाचार कक्षका मानिसहरु अताल्लिए । कतिपय रातो मुख लगाएर मुस्कुराए र एक जनाले हठात् त्यो दृश्य रोकिहाले । र त्यसको साटो हरियो तरकारी देखाइदिए ।
धन्य समाचार बाचक डानियल टेकाकले पृष्ठभूमिको त्यो दृश्य देख्न पाएनन् र उनि अताल्लिनु परेन । यदि उनले पनि त्यो दृश्य देख्नु परेको भए प्रत्यक्ष प्रशारणमा रहेका उनको प्रतिक्रिया सायद हेर्न लायक हुन्थ्यो होला ।
डानियलको टाउकोको ठ्याक्कै पछाडि टेलिभिजनको प्रोडक्सन रुमको एक स्क्रिनमा लिंग देखा परेको हो । खबर अनुसार त्यो लिंग एक डकुमेन्ट्रीको भाग हो । डकुमेन्ट्री निर्माताले डकुमेन्ट्री सम्पादन गर्ने क्रममा कम्प्युटर खोल्दा त्यो समाचार हेरिरहेका हजारौँ दर्शकले देख्नु परेको हो ।
टेलिभिजनले समाचारका दर्शकलाई लिंग देखाइदिएपछि धेरै दर्शकले टेलिभिजनलाई गाली गर्दै कैयौँ इमेल पठाए । टेलिभिजन च्यानलका प्रवक्ताले यो गम्भीर गल्ती भएको जनाएका छन् । दिउसोको समयमा देखाउन प्रतिबन्धित त्यस्ता सामाग्री प्रशारण गरेको भन्दै नियामक निकायले उक्त टेलिभिजन च्यानललाई मोटो रकम जरिवाना तिराउन सक्ने सम्भावना छ ।
No comments:
Post a Comment