चिनियाँहरु ढललाई खाने तेल बनाउँदै
वातावरणलाई असर नगरोस् भनेर अहिले विभिन्न वस्तुहरुलाई रिसइकल (पुनःप्रशोधन) गरेर प्रयोग गर्ने गरिन्छ । तर, चीनमा भने यसरी रिसाइकल गरेर प्रयोग गर्ने मामिलामा आफ्नो हद नै पार गरेको छ । पछिल्लो समय चीनमा स्थानीय रेस्टुरेन्टहरु र व्यापारीहरुले ढलबाट खाने तेल प्रशोधन गरेर प्रयोग गरिरहेका छन् । यसरी बनाइएको तेल स–साना व्यापारीहरु र रेस्टुरेन्टहरुका लागि अन्य वनस्पती तेलभन्दा सस्तो हुने भएकोले यसको प्रयोग बढ्दो छ ।
यसरी ढलबाट तेल बनाउँदा ढलमा रहेको कुडा, प्लास्टिक बोतलहरु हटाएर खाने तेल र जनवारहरुको अंग र बोसो भएको लेदोलाई प्रशोधन गरिन्छ । यसरी बनाइएको तेल अस्वास्थकर मात्र नभएर मानिसका लागि निकै खतरनाक सावित हुन सक्ने स्वास्थ्यकर्मीहरु बताउँछन् । यसमा विभिन्न विषाक्त तत्वहरु रहने उनीहरुको भनाइ छ । चिनियाँ अधिकारीहरुलाई यसबारे ज्ञान भएपनि उनीहरुले यसलाई नियन्त्रण गर्न सकेका छनन् । यसलाई रोक्न धेरै समय देखि प्रयास गरेपनि यसको कालो बजारीलाई पूर्ण रुपमा नियन्त्रण सकेका छनन् । यसबारे विभिन्न समाचार आएपनि यसरी ढललाई खाने तेल बनाउने व्यवसायको संख्यामा बृद्धि भइरहेकोले अहिले चिनियाँ अधिकारीहरुका लागि टाउको दुखाइको विषय बनेको छ ।
भिडियो क्लिक गरेर हेर्नुहुस।
No comments:
Post a Comment